Do 15 de agosto ao 22 de outubro de 2011
Escolle o día no calendario para ver os seus concertos
Espazos Sonoros despide a súa edición 2011 dando as grazas a todas as persoas que nos seguiron durante case dous meses e medio por toda Galicia ao longo da arquitectura, da música e da xeografía, e aos diferentes espazos que nos acolleron, colaborando connosco e facendo posible este proxecto.
Pola nosa banda, estamos xa a traballar para reencontrarnos nunha vindeira edición do festival en 2012, con novas propostas para unha nova cita coa música e o patrimonio.
Agardamos atoparte de novo nos Espazos Sonoros!
>>> O Nova Lux Ensemble pon fin este sábado 22 ás 20.30 na Cidade da Cultura, á programación dos Espazos Sonoros 2011 na bibiloteca da Cidade da Cultura
>>> Éxito rotundo do formato das Escoitas arredor de…
Cun aforo máis que completo e esgotadas as entradas semanas antes para acudir a esta cita, celebráronse as Escoitas 2011 nunha tardiña soleada na Illa de San Simón. Os asistentes puideron disfrutar da conversa e mestría de Rolf Lislevand, non só na interpretación de pezas de música para guitarra barroca e tiorba de Kapsberger, Piccinini, Santiago de Murcia ou Gaspar Sanz, senon tamén no seu coñecemento da música e estética barrocas. Conversas sobre a súa experiencia persoal e intelectual no mundo da música, como intérprete e docente, moderadas por Anxo Quintela, deleitaron a un público que disfrutou do ambiente dun café concerto, do noso salonciño de música improvisado na Illa de San Simón.
Un formato que promete novas experiencias e sorpresas en vindeiras edicións.
>>> Nova data para o segundo dos concerto de Pel de Noz, será o 25 de setembro no Museo do Mar, Vigo, ás 20.30 h.
>>> O vindeiro sábado 10 de setembro na igrexa do convento de Herbón en Padrón
Camiña connosco e coñece o teu patrimonio: coñece a contorna do convento de Herbón.
Ás 16:30 horas saímos a pé do convento de Herbón para camiñar xuntos un anaco parando na igrexa parroquial de Santa María de Herbón, xoia románica da segunda metade do s. XII. Baixaremos á beira do Ulla para coñecer as pesqueiras de lamprea e tamén, como non, algunha plantación de pementos que nos quede no camiño de volta ao convento.
Nestes lugares, e nalgún outro que reservamos en segredo, teremos a sorte de atopar a veciños e veciñas destas terras que, nestas paradas, nos han falar destes espazos, de arte, de arquitectura, da pesca no Ulla, do cultivo do pemento e de horta, das iniciativas que se están levando adiante na casa franciscana de Herbón, entre eles a do hospital de peregrinos da Asociación Galega de Amigos do Camiño.
Unha oportunidade única para que os que non coñecedes estes espazos e os proxectos de futuro que esconden vos achegedes a eles por primeira vez, pero tamén para todos os que os cremos coñecer, porque sempre atoparemos alguén que, no camiño, nos descubra novos mundos dentro daquel que temos máis próximo.
Se vides camiñar con nós non esquezades traer un calzado axeitado e moitas ganas! O camiño non será longo -aproximadamente 2.5 quilómetros- pero asegurámosvos que vai dar para moito!!
E despois da andaina...
>>Quadriga Consort. Concerto ás 20.00 h. na igrexa do convento de Herbón
Grupo revelación dos últimos anos dentro do mundo da música antiga. Da man do clavecinista austríaco Nikolaus Newerkla, o grupo fíxose un nome propio, interpretando música tradicional das illas británicas, reinventada a través de novos e orixinais arranxos e empregando instrumentos renacentistas e barrocos. Songs & tunes from the isles, un programa capaz de despertar as emocións máis diversas.
>>> Cambio de data. O concerto a cargo da Compañía Autónoma Dromosofista, O Cubo Libre, que por mor da choiva tivo que suspenderse no día de onte en Redondela, emprázase para o sábado 27 de agosto na Praza da Casa da Torre (albergue de peregrinos) ás 20.00 horas.
>>> "Queres saber que é un organistrum, unha fídula, unha tiorba? qué aspecto teñen de cerca, como soan...?
Ainda quedan prazas para participar no obradoiro Música antiga para principiantes, unha actividade do ciclo Espazos Sonoros para todos os públicos, para a que non é preciso coñecemento algún de música.
(inscrición até o 5 de setembro)"
>>> Cambio de ubicación dos concertos previstos na illa de San Simón para os días 20 (Pel de Noz) e 25 (Cubo Libre) de agosto.
O concerto do grupo Pel de Noz adíase até novo aviso.
O concerto a cargo da Compañía Autónoma Dromosofista, O Cubo Libre, terá lugar o mesmo día 25 de agosto ás 20.00 h, en Redondela, na Praza da Casa da Torre (albergue de peregrinos).
A Fundación se porá en contacto con posuidores de entradas para a devolución dos importes xa abonados e dar toda a información precisa.
A Fundación Illa de San Simón quere pregar disculpas polas molestias causadas por este inconvinte e agradecer a colaboración do público de Espazos Sonoros.
>>> O vindeiro sábado 20 de agosto na igrexa de San Miguel Arcanxo de Xagoaza, O Barco de Valdeorras
Camiña connosco e coñece o teu patrimonio: coñece a contorna do mosteiro
de Xagoaza. Saída da igrexa de San Miguel de Xagoaza ás 16:30 h.
Máis información en www.espazossonoros.org
E despois da andaina...
>>Francisco Fernández Rueda e Manuel Vilas. Concerto ás 19.00 h.
>>> Presentouse en rolda de prensa a programación Espazos Sonoros 2011 nun acto que tivo lugar na Cidade da Cultura e no que estiveron presentes o Conselleiro de Cultura e Turismo, Roberto Varela Fariña, o Director do Agadic, Juan Carlos Fernández Fasero e a coordinadora do programa Belén Bermejo.
A programación dará comezo o vindeiro 15 de agosto nun concerto na Igrexa da Orde Terceira da cidade da Coruña, no que actuará o grupo La Chimera, dirixido polo arxentino, Eduardo Egüez, co programa Buenos Aires madrigal, madrigais italianos do s. XVII e tangos arxentinos.
Se queres saber mais sobre os contidos da programación descarga o pdf do Catálogo Espazos Sonoros 2011
